مرت بي الذكرى وانا خاطري شين "
ذكرى زمان فات عنا وولى
هلت على خدي دموع من العين
كني غريب عن دياره مجلي
ناديت باعلى الصوت وين المحبين
اللي معاهم القلب يتسلا
واخص انا صاحبي كامل الزين
اللي اذا جيته رحب وهلا
000000000
ياليل لي مده وانا ادور النوم
ياليل كيف القاه ياليل قلي
دنياي صارت كلها هموم بهموم
كيف اهتني مادام سيدي وخلي
غايب وانا في رجعته صرت ملزوم
00000000
غبتي وغابت اليوم فرحتي وياك
غبتي وانا تايه وكلي اتعاب
غبتي وانا محتاج لك وين بالقاك
طال الغياب وصرت حاير بالاسباب
طال الغيااب ياجعل هالعمر يفداك
اسهر ودمعي تسكبه حلو الاهداب
واجلس لوحدي وأذكر ايامي معاك
يومني احكي معاك واقول باعجاب
والله احبك ثم احبك رد وش جاك
وتقولي صدقني إنك حيل جذاب
ورد واقولك انا فدوة اخطاك
وبدا اعد لك ماحسب له حساب
0000000000
اعاتب دنيتي واشره على ارض مابها ممشاك
وليالي الفرح تسعدني يوم شفاك تضحك لي
انا ماني مثل غيري احب وصرختي اهواك
لانك اكبر من المعنى وكلام الحب ياكلي
والي بيني وبينك مداه اكبر من الادراك
سنين العمر لو خانت حنين الروح بيهلي
دامك اصدق ايامي قلبي فرحته لقياك
وانا اعتز بك والله وان ماكنت توصل لي
ولو تحتاجني تلقى قلبي وقتها لبابك
رفيق اقرب من انفاسك تامر بس ياخلي
00000000
تــرى الـذبـايـح و أهلهـا مـا تـسليني …. أنـا أدري إن الـمرض لا يـمـكـن عـلاجـه
أدري تـبـي راحـتـي لا يـا بـعد عـيني …. حـرام مـا قـصـرت يـديـك فـي حـاجــــه
أخـذ وصــــاتـي وأمـانــه لا تـبـكـيـنـي …. لــو كـان لـك خـاطـرٍ مـا ودي إزعـاجــه
أبـيك فـي يـديك تشهـدني وتسقيني …. أمـانـتـك لا يـجـي جـسمـي بـثـلاجــه
لـف الكفن في يـديـك وضـف رجـلينـي …. ما غيـرك أحدٍ كشف حسناه واحراجـه
أبــيـك بـالـخيــر تــذكــرني وتـطـريـنـي …. يـجـيرني خـالـقـي مـن نـــار وهـاجـه
سامح على اللي جرى ما بينك وبيني …. أيـــام نـمـشـي عـدل وأيـام مـنعاجـه
همـي عيـالي وأنـا اللي فيْ ..كافيني …. عـلمـهم الـديـن تـفسـيره ومـنهـاجه
0000000000
حـاولت أنـام وحـاربت عـيني النـوم …. وجـريت صـوتٍ مثل صـوت الذيابـه
الجفـن كنـه صـار ضـايـق ومـهـزوم …. ودمـوع عينـي مثل رس السحابه
عـلـى وليــف قـالوا اليـوم مـرحـوم …. فـارق وراح ومـا تهنى في شبابه
زرت القبور اللي على بعضها ارسوم …. وخطيت رسم فوق ذيك النصابه
قــلبي مــن الـدنيـا عـليه مـرســوم …. والرسـم تـوه عـقب خـط الكتابه
أحـبهـا مـيـر الـقـدر صــار مقســوم …. ويــحـبـها كــل الأهـل والـقـرابـه
المـوت أخذهـا واودع القلب مثـلـوم …. جــرح عـمـيق مـا يداوي صـوابه
المـوت أخذ شجعان وارخوم وقـروم …. وأخذ رسـول الله وبـاقي الصحابه
الإهداءات
أبيـــات شعـــريــة مـــؤثــــرة 
العرض العادي
